صدرجمہوریہ ہند نے بہترین یونیورسٹی کے وزیٹرز ایوارڈ ز پیش کئے

راشٹرپتی بھون میں صدر جمہوریہ کے ہاتھوں وزیٹرز ایوارڈز2017 پیش کئے جانے کے ساتھ ہی یہاں جاری تین روزہ جدت طرازی میلہ بہ خیر خوبی تمام ہوگیا۔اس موقع پر صدر جمہوریہ پرنب مکھرجی نے نئی دہلی کی جواہر لال نہرو یونیورسٹی کو بہترین یونیورسٹی ے اعزازسے سرفراز کیا جبکہ جدت طرازی اور اختراعاتی کامیابیوں کے لئے ہماچل پردیش کی سینٹرل یونیورسٹی کے اسکول آف ارتھ اینڈ انوائرنمنٹ سائنسیز کے محکمہ سائنس کے ڈاکٹر دیپک پنت کو چھوٹے پیمانے پر بے کار پلاسٹک کو ایل پی جی گیس میں بدلنے کا ری ایکٹر تیار کرنے



کے لئے دیا گیا۔
تحقیقی کامو ں کے لئے وزیٹرز ایوارڈز بنارس ہندویونیورسٹی کے انسٹی ٹیوٹ آف میڈیکل سائنسیز کے ڈپارٹمنٹ آف میڈیسن کے ڈاکٹر شیام سندر کو ہندوستانی کالا آزار کی شناخت اور علاج کے شعبے میں غیر معمولی کامیابی کے لئے تیج پور یونیور سٹی کے ڈپارٹمنٹ آف کیمیکل سائنسیز کے پروفیسر نرنجن کرک کو حیاتیاتی لحاظ سے جلد ہی مٹی میں مل جانے والے ہائپر شاخ کے پولی مر نانو عناصر میں سیلف کلیننگ اور از خودشفایابی نیز حیاتیاتی لحاظ سے مفید اور ہمہ گیر سازوسامان کی تیاری کے لئے مشترکہ طور سے دیا گیا۔